मला पाऊस खूप आवडतो
पण त्याला आवडत नाही,
पावसाच्या सरीसोबत
चालू असते त्याची कसरत,
कधी चिखल चुकवायची!
तर कधी मला अडवण्याची!
तरीही मी धावते,
भर पावसात
चिंब होण्यासाठी,
मनाला अन देहाला
रीत करण्यासाठी,
मग, ना तू खूप ओरडतोस!
विनवण्या करतोस!
आजारी पडशील!
ऐक ना जरा माझ! बोलत,
माझ्या पाठमोऱ्या देहाला
भान हरपून पहातच राहतोस
अन पाऊस तुला चिंब करून
माझ्या जवळ सोडून जातो...
प्रिया सातपुते
No comments:
Post a Comment