शब्द

तोंडातून निघालेला शब्द 

म्यानातून काढलेल्या तलवारी 

सारखाच का असावा?

बेधुंद होऊन नाचणाऱ्या 

मोराच्या पिसारयातून 

गळालेल्या मोरपिसासारखा का नसावा?

पहाटे उगवणाऱ्या 

सूर्याच्या पहिल्या सोनेरी किरणासारखा का नसावा?

पहिल्या पावसाच्या 

पहिल्या टूमकदार मोत्यासारखा का नसावा?

सुंदर उमलत्या कळ्यांवर 

आपल्या प्रेमाचे रंग सोडणाऱ्या फुलपाखरासारखा का नसावा?

मनातून ओठांवर 

अन पुन्हा कागदावर आपली छाप सोडणारा  का नसावा?

माझ्या शब्दांना मी इथे उमटवल तर आहे 

पण पुन्हा माझ्या आणि तुमच्या मनात साठवण्यासाठी!!

प्रिया सातपुते